اس وقت جب ساری دنیا کو کرونا وائرس کی وجہ سے جان کے لالے پڑے ہوئے ہیں اور لاک ڈاون کی وجہ سے لوگوں کا بُرا حال ہے بعض لوگ اس صورتحال کا مذاق اُڑارہے ہیں۔ رام پور اُترپردیش میں صورتحال کا اسی طرح مذاق اُڑانا ایک منچلے کو بڑا مہنگا پڑا اور سرکار نے اُنسے محلے کی نالیاں صاف کروائیں۔
ہیلپ لائن پر تعینات اہلکاروں کو فون کرکے ایک شخص نے اُنہیں گرم سموسے بھجوانے کی فرمائش کی جسکے جواب میں اُنہیں بتایا گیا کہ مذکورہ ہیلپ لائن ایمرجنسی کیلئے ہے اور اس پر شوقیہ فرائشیں نہیں کی جاسکتی ہیں
رام پور کے ضلع مجسٹریٹ اونجانیا کمار نے اس دلچسپ واقعہ کے بارے میں اپنے ایک ٹویٹ میں بتایا۔ اُنکا یہ ٹویٹ اب وائرل ہے اور لوگ اس پر اپنے اپنے انداز سے تبصرے کر رہے ہیں۔ واقعہ یوں ہے کہ سرکار کی فراہم کردہ ایک ہیلپ لائن پر تعینات اہلکاروں کو فون کرکے ایک شخص نے اُنہیں گرم سموسے بھجوانے کی فرمائش کی جسکے جواب میں اُنہیں بتایا گیا کہ مذکورہ ہیلپ لائن ایمرجنسی کیلئے ہے اور اس پر شوقیہ فرائشیں نہیں کی جاسکتی ہیں تاہم وہ صاحب بار بار فون کرتے اور اپنی فرمائش دہراتے رہے۔ یہاں تک کہ معاملہ اعلیٰ حکام کی نوٹس میں لایا گیا۔
4 समोसा भिजवा दो… चेतावनी के बाद आखिर भिजवाना ही पड़ा।
अनावश्यक मांग कर कंट्रोल रूम को परेशान करने वाले व्यक्ति से सामाजिक कार्य के तहत् नाली सफाई का कार्य कराया गया। pic.twitter.com/88aFRxZpt2— DM Rampur (@DeoRampur) March 29, 2020
ضلع مجسٹریٹ کے مطابق مذکورہ منچلے کو سبق سکھانے کیلئے چند افسران اُنکے گھر پہنچ گئے اور اُنہیں نکال کر محلے کی نالیاں صاف کروائی گئیں۔ اس واقعہ سے متعلق ضلع مجسٹریٹ نے تصویریں بھی ٹویٹ کی ہیں۔
