سریگفوارہ میں حادثہ،کار تباہ،ڈرائیور شدید زخمی

سریگفوارہ // (شبیر احمد) جنوبی کشمیر کے دچھنی پورہ میں سریگفوارہ کے مقام پر آج صبح پیش آئے ایک سڑک حادثے میں ایک نجی گاڑی تباہ ہوگئی ہے اور اسکے ڈرائیور شدید زخمی ہوگئے ہیں۔ ذرائع کا کہنا ہے کہ ایک سینٹرو کار ،رجسٹریشن نمبر DL4CS 6368، صبح سرینگر سے آرہی تھی کہ سریگفوارہ میں ڈاکخانہ کے نزدیک اچانک ہی ڈرائیور کے قابو سے باہر ہوکر ایک دکان کے ساتھ ٹکرا کر تباہ ہوگئی۔ حادثے میں گاڑی کو شدید نقصان پہنچا ہے اور اسکے ڈرائیور شدید زخمی ہوگئے ہیں۔

سینٹرو کار ،رجسٹریشن نمبر DL4CS 6368، صبح سرینگر سے آرہی تھی کہ سریگفوارہ میں ڈاکخانہ کے نزدیک اچانک ہی ڈرائیور کے قابو سے باہر ہوکر ایک دکان کے ساتھ ٹکرا کر تباہ ہوگئی۔

ڈرائیور کی شناخت جاوید احمد راتھر ساکنہ نوشہرہ سریگفوارہ کے بطور ہوئی ہے۔ معلوام ہوا ہے کہ جاوید عازمینِ حج کو سرینگر کے حج ہاوس میں چھوڑ کر آرہے تھے کہ یہاں پہنچکر اُنہوں نے اچانک ہی گاڑی پر قابو کھو دیا اور وہ تیز رفتاری کے ساتھ دکان کے ساتھ ٹکرا گئے۔ جاوید کو شدید زخمی حالت میں اسپتال پہنچایا گیا ہے جبکہ پولس نے جائے واردات پر پہنچکر اس حادثے سے متعلق ایک معامہ درج کر لیا ہے۔