ٹرمپ اور کم جونگ کی لفظی جنگ تیز

واشنگٹن// امریکہ کے صدر ڈونلڈ ٹرمپ نے کہا کہ ان کے پاس شمالی کوریا سے زیادہ طاقتور اور بڑا نیوکلیئر بٹن ہے جو کام بھی کرتا ہے ۔شمالی کوریا کے رہنما کم جونگ نے پیر کو کہا تھا” مکمل امریکہ ہمارے جوہری ہتھیاروں کے دائرے میں ہیں اور نیوکلیئر بٹن ہمیشہ میرے میز پر ہوتا ہے ۔ یہ دھمکی نہیں، حقیقت ہے ”۔ مسٹر ان کی اس دھمکی کے جواب میں مسٹر ٹرمپ نے کل ٹویٹ کر کے کہا” میرے پاس بھی نیوکلییر بٹن ہے جو زیادہ بڑا اور طاقتور ہے اور وہ کام بھی کرتا ہے ”۔قابل غور ہے کہ بین الاقوامی پابندیوں کے باوجود شمالی کوریا نے اپنے جوہری پروگرام کو مسلسل آگے بڑھایا ہے ۔