سرینگر// موبائیل فون کی دُنیا کی معروف و مقبول ایپلی کیشن ٹروکالر نے اپنے تازہ اپڈیٹ میں ایک زبردست اور دلچسپ فیچر متعارف کیا ہے۔ اپنی نوعیت کے اس دلچسپ فیچر کی بدولت کسی فون نمبر کی تفصیلات جاننے کیلئے اب اس نمبر کو فون پر ٹائپ کرنے کی ضرورت باقی نہیں رہی ہے بلکہ یہ کام اب فون کا کیمرہ کرے گا۔
تفصیلات کی ٹیک ٹیم تب خوشگوار حیرت میں پڑ گئی کہ جب ایپ کو اپڈیٹ کرنے کے بعد ایک نوٹیفکیشن میں بتایا گیا کہ فون کے کیمرہ کو کہیں بھی لکھے ہوئے ایسے کسی بھی فون نمبر پر فوکس کرایا جائے کہ جسکی تفصیل جاننا مطلوب ہو۔
ٹروکالر نے حال ہی نیا اپڈیٹ جاری کردیا ہے جس میں مزید لاکھوں نمبرات کی تفصیل شامل کئے جانے کے ساتھ ساتھ یہ نیا فیچر بھی شامل کیا گیا ہے۔ تفصیلات کی ٹیک ٹیم تب خوشگوار حیرت میں پڑ گئی کہ جب ایپ کو اپڈیٹ کرنے کے بعد ایک نوٹیفکیشن میں بتایا گیا کہ فون کے کیمرہ کو کہیں بھی لکھے ہوئے ایسے کسی بھی فون نمبر پر فوکس کرایا جائے کہ جسکی تفصیل جاننا مطلوب ہو۔چناچہ اس نئے فیچر کی وجہ سے ٹروکالر اور بھی زیادہ مدد گار ثابت ہوگی۔ واضح رہے کہ یہ ایک ایسی ایپلی کیشن ہے کہ جسکے ذرئعہ کسی بھی فون نمبر کے بارے میں یہ معلوم کیا جاسکتا ہے کہ یہ نمبر کس کے نام پر ہے یا کس کے زیرِ استعمال ہے۔