لولاب// شمالی کشمیر کے لولاب علاقہ میں ایک مسجدِ کی تعمیرِ نو کے کام کے دوران ایک دیوار گرنے سے ایک شخص کی جان چلی گئی ہے جبکہ دیگر چار زخمیوں کا اسپتال میں علاج جاری ہے۔اُنکی حالت خطرے سے باہر بتائی جارہی ہے۔ ذرائع کے مطابق لولاب کے میر محلہ میں ایک قدیم مسجد کی تعمیرِ نو کے سلسلے میں پُرانے ڈھانچہ کو گرائے جانے کے دوران ایک دیواراچانک گر گئی۔ذرائع کا کہنا ہے کہ دیوار گرنے سے کم از کم پانچ افراد،جو مسجد کی تعمیر کے کام کے ساتھ منسلک تھے،ملبے کے نیچے دب گئے جنہیں بعدازاں بڑی مشقت سے نکالکر اسپتال پہنچایا گیا۔زخمیوں میں سے مطفر احمد ولد حبیب اللہ میر نامی شخص کی اسپتال میں موت واقعہ ہوگئی ہے جبکہ دیگراں کا علاج جاری ہے۔
تھانہ پولس لولاب نے حادثے میں ایک شخص کے مارے جانے کی تصدیق کرتے ہوئے کہا کہ ابتدائی طور یہ پتہ چلا ہے کہ مسجد کی دیوار گرنے سے یہ حادثہ پیش آیا ہے تاہم اس سلسلے میں ایک ایف آئی آر درج کر لی گئی ہے اور تحقیقات جلد ہی شروع کی جائے گی۔
