بونسر بال لگنے سے پاکستانی کرکٹر کی موت

مردان // مردان کے علاقے کاٹلنگ میں نوجوان کھلاڑی سر پر گیند لگنے کے باعث جاں بحق ہو گیا۔ متوفی زبیر ولد محمود خان کاٹلنگ میں فخر زمان کی بنائی گئی کرکٹ اکیڈمی کا رکن اور ایک ابھرتا ہوا کرکٹر تھا جو بےٹنگ کی پرےکٹس میں مصروف تھا کہ گےند گردن پر لگ گئی۔

گیند لگتے ہی نوجوان کرکٹر بے ہوش ہو گیا جس پر ریسکیو 1122 کی ٹیم کوب لا کر زبیر کو زخمی حالت میں مردان میڈیکل کمپلیکس ہسپتال منتقل کر دیا گیا تاہم وہ جانبر نہ ہو سکا۔

سابق آسٹریلوی کرکٹر اور اسلام آباد یونائیٹڈ کے کوچ ڈین جونز نے بھی نوجوان کرکٹر زبیر کی ہلاکت پر افسوس کا اظہار کیا اور اپنے پیغام میں کہا ”یہ سن کر بہت افسوس ہوا۔۔۔ مردان میں نوجوان کرکٹر زبیر کرکٹ میچ کے دوران سر پر گیند لگنے کے باعث ہلاک ہو گیا، اس کے اہل خانہ سے تعزیت کرتا ہوں۔“