سرینگر// لائن آف کنٹرول کے راجوری سیکٹر میں ہندوپاک افواج کے مابین ہوئی فائرنگ میں جنوبی کشمیر کے ترال کا ایک مسلمان فوجی ہلاک ہو گیا ہے۔ایک دفاعی ترجمان کا حوالہ دیتے ہوئے ذرائع نے بتایا کہ آج صبح ہوئی فائرنگ میں نائیک مدثر احمد شدید زخمی ہوگئے۔ ترجمان کے مطابق زخمی نائیک کو فوری طور ایم آئی روم پہنچاکر اُنہیں بچانے کی کوششیں کی گئی تھیں لیکن وہ جانبر نہیں ہوسکے۔
معلوم ہوا ہے کہ مدثر ترال کے بوژو گاوں کے رہائشی تھے اور اُنکے سوگواروں میں اُنکی بیگم اور دو کمسن بچے ہیں۔
