سرکار کا اچانک فیصلہ گیلانی تبدیل خان آئی جی کشمیرہوگئے

سرینگر//
جموں کشمیر سرکار نے آج ایک غیر متوقع اور اچانک فیصؒے میں آئی جی کشمیر جاوید گیلانی کو تبدیل کرکے اُنہیں ویجی لنس تنظیم کا ڈائریکٹر بنادیا ہے جبکہ منیر خان اُنکی جگہ نئے آئی جی کشمیر ہونگے۔اس سلسلے میں سرکار کے محکمہ انتظامِ عامہ کی جانب سے جاری ہوئے ایک حکمنامہ میں کہا گیا ہے کہ گیلانی کی تقرری ریاستی ویجی لنس کمیشن کے سکشن 22کے تحت بنائی ہوئی کمیٹی کی سفارش پر روبہ عمل لائی گئی ہے۔اس حکمنامہ میں جاوید گیلانی کی جگہ نئے آئی جی پی کی تقرری کے بارے میں خاموشی اختیار کی گئی ہے تاہم ذرائع کا کہنا ہے کہ یہ ذمہ داری منیر خان کے حصے میں آئی ہے۔منیر خان کے آئی جی پی کشمیر بنائے جانے کے بعد اب وہ دو بھائی کشمیر کی سویل و پولس انتظامیہ کے دو اہم عہدوں پر ہونگے۔یاد رہے کہ ڈویژنل کمشنر کشمیر بصیر احمد خان منیر خان کے بھائی ہیں