کپوارہ میں دو مسافر بسوں کی ٹکر، 20 سواریاں زخمی

کپوارہ// کپوارہ میں پیش آمدہ ایک سڑک حادثے میں مخالف سمت سے آرہی دو مسافر گاڑیوں میں ٹکر ہوجانے اور ایک بس کے اُلٹ جانے کی وجہ سے کم از کم بیس مسافر زخمی ہو گئے ہیں۔ یہ حادثہ ضلع کے راوت پورہ علاقہ میں پیش آیا ہے اور کہا جارہا ہے کہ مخالف سمت سے آرہی دو گاڑیوں میں شدید ٹکر ہوگئی ہے۔ ذرائع کے مطابق زخمیوں کو ضلع اسپتال روانہ کیا گیا ہے اور اُنکی حالت خطرے سے باہر ہے۔ ان ذرائع کے مطابق پولس کی ایک پارٹی جائے واردات پر پہنچ چکی ہے اور معاملہ درج کرکے تحقیقات شروع کی گئی ہے۔