کوکرناگ میں نالے میں گری گاڑی کے مسافر کی لاش مل گئی

کوکرناگ// دندی پورہ کے قریب نالہ برنگ میں گزشتہ روز خراب موسم کی وجہ سے گری ایک مسافر گاڑی کے ایک مسافر کی لاش آج بر آمد کرلی گئی ہے تاہم ڈرائیور کی لاش ابھی تک بھی نہیں مل سکی ہے۔نالے میں طغیانی آجانے کے دوران کل یہاں ایک سومو گاڑی کو حادثہ پیش آیا تھا اور وہ نالے میں ڈوب گئی تھی۔اس واقعہ کی ویڈیو کلپ فوری طور انٹرنیٹ پر وائرل ہوچکی تھی۔چناچہ مقامی لوگوں نے بڑی مشکل سے کئی مسافروں کو بچالیا تھا تاہم ڈرائیور اور ایک مسافر تیز رفتار پانیوں میں گویا گھم ہوگئے تھے۔ذرائع کا کہنا ہے کہ آج بعد دوپہر محمد اشرف چوہان نامی مسافر کی لاش جائے حادثہ سے کچھ دور سے بر آمد کی گئی ہے تاہم ڈرائیور کا ابھی تک کوئی اتہ پتہ نہیں ہے البتہ اسکی تلاش جاری ہے۔