خرابی موسم کی وجہ سے وادی کشمیر کے اسکولوں میں چھٹی کا اعلان

سرینگر//  وادی کشمیر میں موسم کے کروٹ بدل کر بہت خراب ہونے کی وجہ سے پیدا شدہ صورتحال کے پیش نظر حکومت نے سبھی نجی و سرکاری اسکولوں میں سوموار تک چھٹی کا اعلان کردیا ہے۔ کشمیر ڈویژن کے کمشنر بصیر خان نے بتایا کہ موسم کی خرابی کی وجہ سے یہ فیصلہ لیا گیا ہے۔یاد رہے کہ وادی میں دو ایک دنوں سے متواتر بارش برس رہی ہے جسکی وجہ سے شہر سرینگر کے اکثر علاقوں میں پانی جمع ہوگیا ہے اور عبورو مرور میں مشکلات درپیش ہیں۔ اس دوران درجہ حرارت میں اچانک گراوٹ آنے کی وجہ سے سردی میں اضافہ ہوا ہے اور ماہرین نے بچوں اور بزرگوں کو احتیاط بھرتنے کا مشورہ دیا ہے۔