لشکر چیف ابو دوجانہ فورسز کو پھر چکمہ دے گئے

پلوامہ // وادی میں لشکرِ طیبہ کے چیف اور فورسز کو مطلوب ترین جنگجو کمانڈر ابودوجانہ نے آج ایک بار پھر فورسز کو چکمہ دیا اور وہ پھنستے پھنستے بچ نکلنے میں کامیاب رہے۔ ذرائع کا کہنا ہے کہ ابودوجانہ پلوامہ کے بانڈر پورہ علاقہ میں اپنے دو ساتھیوں سمیت ایک نجی گاڑی میں سوار ہوکر کہیں جارہے تھے اور فورسز اُنکے تعاقب میں تھی۔ ان ذرائع کے مطابق دوجانہ کو کسی طرح فورسز کے تعاقب کے بارے میں پتہ چلا اور اُنہوں نے شدید فائرنگ کی اور فرار ہوگئے۔ واضھ رہے کہ پاکستانی شہری ابودوجانہ اس سے قبل بھی کئی بار یونہی فورسز کو چکمہ دینے میں کامیاب رہے ہیں۔ دریں اثنا علاقے کو گھیرے میں لیکر تلاشی آپریشن شروع کیا گیا ہے اور تفصیلات کا انتظار ہے۔