اسلام آباد میں فورسز اور دکانداروں میں تنازعہ،دکانیں بند ،جھڑپیں شروع

اسلام آباد//جنوبی کشمیر کے اسلام آباد قصبہ میں آج اُسوقت حالات کشیدہ ہوگئے کہ جب سرکاری فورسز نے نا معلوم وجوہات کے لئے بعض دکانداروں کی مارپیٹ کی۔ذرائع کا کہنا ہے کہ گاڑیوں کی پارکنگ کے مسئلے پر فورسز اہلکاروں اور دکانداروں کے بیچ کہا سُنی ہوگئی اور اسکے ساتھ ہی ان اہلکاروں نے دکانداروں کی پٹائی شروع کی جسے دیکھ کر ساتھی دکانداروں اور راہگیروں نے زبردست اعتراض جتایا اور احتجاج شروع کیا۔اس دوران قصبے میں دیکھتے ہی دیکھتے ہڑتال ہوگئی جبکہ نوجوانوں نے فورسز پر سنگ برسانا شروع کئے۔آکری اطلاعات ملنے تک قصبے میں حالات کشیدہ بتائے جارہے تھے اور کئی جگہوں پر سرکاری فورسز اور احتجاجی نوجوانوں کے مابین جھڑپیں جاری بتائی جا رہی تھیں۔