شوپیاں // جنوبی کشمیر کے شوپیاں ضلع میں ایک تیز رفتار فوجی گاڑی نے ایک معصوم بچی کو ٹکر مار کر اُنہیں موقعہ پر ہی جاں بحق کردیا ہے۔ اس واقعہ کو لیکر علاقہ میں کہرام ہے اور یہاں احتجاجی مظاہرے ہو رہے ہیں۔
خون میں لت پت زیشان کو لوگوں نے فوری طور سب ضلع اسپتال زینہ پورہ پہنچادیا تھا تاہم وہ جانبر نہیں ہو سکیں۔ اس واقعہ کو لیکر علاقے میں کہرام ہے کہ پھول جیسی بچی کے یوں بے دردی سے مارے جانے کو لیکر لوگ واویلا کر رہے ہیں۔
ذرائع کے مطابق یہ حادثہ زینہ پورہ میں پیش آیا ہے کہ جہاں فوج کی ایک تیز رفتار گاڑی نے اگلر کی 9 سالہ زیشان کو زور دار ٹکر مار دی۔ ذرائع کے مطابق خون میں لت پت زیشان کو لوگوں نے فوری طور سب ضلع اسپتال زینہ پورہ پہنچادیا تھا تاہم وہ جانبر نہیں ہو سکیں۔ اس واقعہ کو لیکر علاقے میں کہرام ہے کہ پھول جیسی بچی کے یوں بے دردی سے مارے جانے کو لیکر لوگ واویلا کر رہے ہیں۔
دریں اثنا معصوم بچی کے فوجی گاڑی کی ٹکر سے مارے جانے کی خبر پھیلتے ہی یہاں احتجاجی مطاہرے شروع ہوئے ہیں۔ شوپیاں میں کئی مقامات پر مرد ، خواتین اور اسکولی طلبائ سڑکوں پر آکر احتجاج کررہے ہیں تاہم سرکاری فورسز نے آنسو گیس کے گولے چھوڑ کر مطاہرین کو پسپا کرنے کی کوششیں شروع کی ہیں۔ آخری اطلاعات ملنے تک احتجاجی مطاہروں کے دوران کوئی زخمی نہیں ہوا تھا تاہم ذرائع کا کہنا ہے کہ سنگبازی کے واقعات شروع ہوچکے ہیں۔
